ದಾಸವಾಣಿ ನಾದದಲ್ಲಿ ಭಕ್ತಿಭಾವ

ಶ್ರೀ ಸತ್ಯಾತ್ಮತೀರ್ಥ ಶ್ರೀಪಾದಂಗಳವರ 31ನೇ ಚಾತುರ್ಮಾಸ್ಯ

ಧಾರವಾಡ
ಶ್ರೀ ಸತ್ಯಾತ್ಮತೀರ್ಥ ಶ್ರೀಪಾದಂಗಳವರ 31ನೇ ಚಾತುರ್ಮಾಸ್ಯದ ಅಂಗವಾಗಿ ಗುರುವಾರ ನಡೆದ ವಿವಿಧ ದಾಸವಾಣಿ ಕಾರ್ಯಕ್ರಮಗಳು ಭಕ್ತಿಭಾವದ ವಾತಾವರಣವನ್ನು ನಿರ್ಮಿಸಿದವು. ದಾಸರ ಪದಗಳ ಮಧುರತೆ, ತತ್ತ್ವಭಾವದ ಅಭಿವ್ಯಕ್ತಿ ಹಾಗೂ ಗಾಯನದ ಸೊಗಡು ಇಡೀ ಕಾರ್ಯಕ್ರಮಕ್ಕೆ ವಿಶೇಷ ಮೆರುಗು ನೀಡಿತು.

ಮುಂಜಾನೆಯ ಕಾರ್ಯಕ್ರಮಗಳಲ್ಲಿ ಬಾಗಲಕೋಟೆಯ ರಾಘವೇಂದ್ರ ಯಾರಡೋಣಿ ಅವರ ದಾಸವಾಣಿ ಭಕ್ತಿರಸದಿಂದ ಆರಂಭಗೊಂಡಿತು. ನಂತರ ಬೆಂಗಳೂರಿನ ಅನುಷಾ ರಾಘವೇಂದ್ರ ಹಾಗೂ ಕುಮಾರಿ ದಿಶಾ ಪುರಾಣಿಕ ಅವರು ದಾಸವಾಣಿ ಸೇವೆ ಸಲ್ಲಿಸಿ, ತಮ್ಮ ಗಾಯನದ ಮೂಲಕ ಭಕ್ತರ ಮನಸೆಳೆದರು.

ಮಧ್ಯಾಹ್ನದ ಕಾರ್ಯಕ್ರಮಗಳಲ್ಲಿ ಧಾರವಾಡದ ದೀಪಾ ಹಾವನೂರ ದಾಸವಾಣಿ ಮನಮುಟ್ಟುವ ರೀತಿಯಲ್ಲಿ ನಡೆಯಿತು. ಅನಂತರ ಧಾರವಾಡದ ಪ್ರಣವ್ ಪೋದ್ದಾರ ತಬಲಾ ಬಾಜಣದ ಮೂಲಕ ತಾಳ ಲಯಗಳ ಜೊತೆ ಭಕ್ತಿಭಾವವನ್ನು ಮತ್ತಷ್ಟು ಗಾಢಗೊಳಿಸಿದರು.

ದಾಸಸಾಹಿತ್ಯದ ತತ್ತ್ವಾರ್ಥ, ಮಧುರ ಗಾಯನ ಮತ್ತು ಭಕ್ತಿಯ ಭಾವನೆಗಳು ಒಂದಾಗಿ ಬೆರೆತಿದ್ದರಿಂದ ಗುರುವಾರದ ಚಾತುರ್ಮಾಸ್ಯ ಕಾರ್ಯಕ್ರಮವು ಸರಳತೆಯಲ್ಲೇ ವಿಶೇಷ ಸೊಗಡನ್ನು ಪಡೆದುಕೊಂಡಿತು. ಶ್ರೀಪಾದಂಗಳವರ ದಿವ್ಯ ಸಾನ್ನಿಧ್ಯದಲ್ಲಿ ನಡೆದ ಈ ದಾಸವಾಣಿ ಸೇವೆಗಳು ಭಕ್ತರಿಗೆ ಆಧ್ಯಾತ್ಮಿಕ ಸಂತೋಷ ಹಾಗೂ ತತ್ತ್ವಚಿಂತನೆಯ ಅನುಭೂತಿಯನ್ನು ನೀಡಿದವು.